Farg‘ona viloyati bojxona boshqarmasida 1-oktabr — Ustoz va murabbiylar kuni munosabati bilan “Rahbar va yoshlar” uchrashuvi bo‘lib o‘tdi.

Viloyat Yoshlar ishlari agentligi mas’ullari, bojxona faxriylari hamda boshqarma shaxsiy tarkibi ishtirok etgan tadbir O‘zbekiston Respublikasi Davlat madhiyasi sadolari ostida boshlandi.

Tadbirni boshqarma boshlig‘i Z. Turdaliyev ochib berib, mamlakatimizda yoshlarga qaratilayotgan yuksak e’tibor, ularning bilim olishi, kasb egallashi va o‘z salohiyatini ro‘yobga chiqarishi uchun yaratilayotgan keng imkoniyatlar haqida so‘z yuritdi. Shuningdek, yoshlarning kasbiy va ma’naviy kamolotida ustozlarning o‘rni beqiyos ekanini alohida ta’kidladi.

Uchrashuv davomida viloyat Yoshlar ishlari agentligi vakillari hamda bojxona faxriylari tomonidan ustoz-shogird an’analari, hayotiy tajriba va bilimlarning yosh avlod tarbiyasidagi ahamiyati haqida fikr-mulohazalar bildirildi.

Samimiy ruhda kechgan muloqot davomida yosh xodimlarning qiziqtirgan savollariga atroflicha javoblar berildi hamda xizmat faoliyatida muvaffaqiyatga erishish yo‘lida zarur tavsiyalar berildi.

Tadbir yakunida bir guruh xodimlarga navbatdagi maxsus unvonlar topshirildi. Shuningdek, xizmat faoliyatida yuqori natijalarga erishib, tashabbuskorligi va faolligi bilan namuna bo‘lib kelayotgan bir guruh xodimlar viloyat Yoshlar ishlari agentligining esdalik sovg‘alari bilan taqdirlandi.