#xavfsiz_mahalla

Sergeli tumanida xavfsiz mahalla dasturi doirasida tungi xizmatni tashkil etish holati o‘rganildi

Bojxona qo‘mitasi, Toshkent shahar hamda Sergeli tumani ichki ishlar mas’ullari ishtirokida mahallalarda xizmat olib borayotgan xodimlarning faoliyati ko‘zdan kechirildi. Ushbu jarayonda aholi gavjum joylarda nazoratni kuchaytirish, har bir murojaat va chaqiruvga tezkorlik bilan munosabat bildirish hamda huquqbuzarlik va jinoyatlarning oldini olishga qaratilgan zarur choralarni ko‘rish yuzasidan tegishli yo‘riqnomalar berildi.

Jumladan, mas’ullar tomonidan “Ittifoq” va “So‘g‘diyona” mahallasidagi 24/7 ko‘chasi, “Nurhayot” mahallasidagi 102 maskani, “Chinor” metro bekati hududi hamda “Mehrigiyo” mahallasi hududida xizmat olib borayotgan xodimlar bilan uchrashuvlar o‘tkazildi. Xizmatni xushorlik va mas’uliyat bilan tashkil etish bo‘yicha suhbatlar tashkil etildi.

Tungi o‘rganishlar jarayonida hududlarda xizmat olib borayotgan xodimlarning vaziyatni nazorat qilish, aholi bilan muloqot madaniyati va favqulodda holatlarga tayyorligiga alohida e’tibor qaratildi.