#xavfsiz_mahalla

“Daryo bo‘yi” mahallasida obodonlashtirish va infratuzilmani yaxshilash ishlari nazorat qilindi

Bojxona qo‘mitasi Raisi o‘rinbosari O.Ibragimov hamda “Daryo bo‘yi” MFYga biriktirilgan mas’ul xodimlar tomonidan mahalla hududida amalga oshirilayotgan obodonlashtirish va infratuzilmani yaxshilash ishlari joyiga chiqqan holda o‘rganildi.

Xususan, Nilufar ko‘chasi, 3- va 4-tor ko‘chalarida joylashgan ko‘p qavatli uylar, shuningdek, mahalla binosi atrofidagi hududlarda olib borilayotgan ishlarning bugungi holatiga alohida e’tibor qaratildi.

O‘rganish davomida hududlarda tik quduqlarni qazish ishlari, ularning bajarilish holati va belgilangan vazifalarning ijrosi ko‘zdan kechirildi. Mas’ullar bilan joyida muloqot qilinib, mavjud masalalarni o‘z vaqtida va sifatli hal etish, ishlarni belgilangan talablar asosida tashkil qilish yuzasidan tegishli ko‘rsatma va tavsiyalar berildi.

Shuningdek, amalga oshirilayotgan ishlarning sifati va muddatlariga alohida e’tibor qaratilib, aniqlangan masalalarni tezkor bartaraf etish bo‘yicha mas’ullarga vazifalar belgilandi.

Ayni paytda hududdagi ishlar doimiy nazoratga olingan bo‘lib, obodonlashtirish va infratuzilmani yaxshilashga qaratilgan tadbirlar belgilangan tartibda davom ettirilmoqda.