#Xavfsiz_mahalla

Sergeli tumanida aholi osoyishtaligini taʼminlashga qaratilgan tungi nazorat tadbirlari oʻtkazildi

Toshkent shahar bojxona boshqarmasi boshligʻi U.Qodirov tomonidan tumanda jamoat tartibi va aholi osoyishtaligini taʼminlashga qaratilgan navbatdagi tungi oʻrganish ishlari amalga oshirildi.

Dastlab tumandagi mahallalarga biriktirilgan va tungi xizmatga jalb etilgan bojxona xodimlari bilan muloqot oʻtkazildi. Hududda jamoat tartibini saqlash, fuqarolar xavfsizligi va osoyishtaligini taʼminlash, huquqbuzarliklarning barvaqt oldini olish, shuningdek, xizmat intizomiga qatʼiy rioya etish boʻyicha xodimlarga aniq vazifalar belgilab berildi.

Shundan soʻng boshqarma boshligʻi “Mehrigiyo” mahallasida boʻldi. Mahalla fuqarolari bilan muloqot jarayonida koʻp qavatli uylardan birining atrofi devor bilan oʻralganligi, bu aholi harakati hamda favqulodda holatlarda transportlar harakatlanishiga toʻsiq boʻlishi mumkinliga eʼtibor qaratildi. Shu boisdan devorni buzib tashlash va uy atrofini past boʻyli temir panjara bilan oʻrash masalalari koʻrib chiqildi.

Navbatdagi manzilda “Joʻn-ariq” MFYda xavfsiz mahalla dasturi doirasida amalga oshirilayotgan ishlar oʻrganildi. Profilaktika inspektorlari va masʼul bojxona xodimlari bilan muloqot oʻtkazilib, hududda xavfsizlikni taʼminlash maqsadida roʻyxatdan oʻtmasdan yashab kelayotgan fuqarolarni aniqlash va ularni vaqtinchalik roʻyxatga qoʻyish lozimligi tushuntirildi.