Працягваецца працэс па справе "Буслы ляцяць".

Пачвары планавалі паказальны суд, але нават паказальнасць ім даецца не вельмі. Атрымалася арганізаваць толькі ябацек-правакатараў і пратакол на 76-гадовую Наталлю Іванісаву.

І чым яны хацелі напужаць нас? Ужо былі і 22 гады за непадарваную сметніцу, і 18 год за ўдзел у выбарах. Каналы з мемамі прызнавалі экстрэмісцкімі, абраную прэзідэнтку ўнеслі ў спіс тэрарыстаў.

А людзі ўсё працягваюць барацьбу. Хто піша на асфальце "3%", хто ладзіць дыверсіі на чыгунцы, а хто са зброяй б'е фашыстаў (пакуль што расейскіх, і на тэрыторыі Украіны, але ж хто ведае, як там будзе далей).

Так што ўсё дарма, непаважаныя "суддзі" і "сілавікі". Беларусь - краіна тэрарыстаў, экстрэмістаў, партызан і проста людзей, якія стаміліся ад вас. Ніякія рэпрэсіі не прымусяць нас перагарнуць старонку. А "суды" толькі дадаюць новыя імёны ў спіс герояў Беларусі.

Свабоду Аляксею Іванісаву, Аляксею Гамезу, Мікалаю Біблісу, Андрэю Будаю, Аляксандру Мураўёву, Аляксандру Сідарэнку!
Жыве Беларусь!