🍎🏃📚✏️
 
قاراچوٌ/قاراچی ندیر
قاراچوْر ندیر
رنه گروسه دئدیگی ایله سؤز بیر اوْلساق قاراچوٌ  موغول جامعه سینده یاشایان  قارایاخا یعنی معمولی  و عادی آداملاردیلار. بونلار حؤکومت آداملاری دَییللر.  بو عادی آداملارین ایچینده  چوخلاری دا وارایدی هیندیستانین کراچی بؤلگه سیندن موغوللارا قاتیشیب  خوراسانا و اورادان آذربایجانا آیاق قوْیوب، آیاق اوٌستو ایشلرله جماعتین باشین قاتاردیلار. بونلارین ایشلری  اوْخوماق، چالیب اوْیناماق و باشقا آیاق اوٌستو ایشلر اوْلاردی. بونلارا آذربایحاندا قره چی دئییلردی.  ایندی ده بو دئییم کؤچریلره ایشلکدیر.
قاراچوْر تکلیکده ۱- مؤحکم، اگری و اوزون قیلینجا دئییلیر. فارسجا بو ساواش آراجینا «شمشیر» دئییلیر. قاراچوْر سؤزونون باشقا آنلاملاریدا واردیر : ۲- قارا خان/ بؤیوک خان. ۳- اوْردودا قارا چئری(پیاده نظام).  بو قارا چئرییه یوْخسا قاراچوْر ا چاغداش هامییا تانیش اولان آد (بسیج) سؤزودور. 
داها بیرده  «قارا چوْرلو» واریمیزدیر بونلار تاریخده بیر ائل آدییلا تانینیبدیلار یعنی آذربایجانین توٌرک طایفالاریندان بیری. سؤزلوکلرده قاراچوْرون آنلامی : مهارتله قیلینج ووران آدام یوْخسا آداملار انلامیندا گلیبدیر.
اوسته کی آچیقلامایا دیققت اوْلونسا قاراچوٌ یوْخسا بیز دئین قاراچی  «قاراچوْرلو» ایله هئچده ایلگیسی یوْخدور. قاراچوْرلولار توٌرکدیرلر و اؤزلریده قیلینج ووران، ساواشقان اوْیسا قاراچوٌ لار هیندیستاندان گلنلر، چالقی چالان، اوْیناغان  ایله نجه لی ایشلره دوٌموک اوْلانلاردیلار.
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯