🍎🏃📚✏️
 
93-جو درس
 
فعللر (22)
فعللرده بيتيشن شخص تایلیقلاری (فعلده شخص آنلاييشى):
3. ايكينجى شخص جمع:
ايكينجى شخص جمعده بيتيشن شخص تایلیغينين اساس علامتى "ز" حرفيدير كى, موختليف يئرلرده جوربجور شكيلده ايشلنر: يازديز, يازساز ...
يازى ديليميزده بو "ز" حرفيندن قاباق دؤرد چئشيدلى "نى (ni), نى (nı), نو (nu), نو' (nü)" اکلرى ده آرتيريلار: ياز+دى+نى+ز=يازدينيز.
ب) فعلين امرينده, كؤك سس سيزله بيتسه, بيتيشن شخص تایلیغی دؤرد چئشيدلى "ين (in), ين (ın), ون (un), و'ن (ün)" و يا دؤرد چئشيدلى "يز (iz), يز (ın), وز (uz), و'ز (üz)" اولار: قاچين/قاچيز/, وورون/ ووروز/. هر ايكيسى بيرليكده ده ايشلنر: گؤرونوز. اگر فعلين كؤكو سسلى ايله قورتارسا, ايكى سسلينى بيرى-بيريندن آييرماق اوٌچون,  يوخاريداكى اکلردن اؤنجه "ى" سس سيزى ده آرتيريلار: قوْرو+ى+ون= قوْرويون.
ج) فعلين نقلى كئچميش, اينديكى, قطعى و غير قطعى گله جك زامانلاريندا, هابئله لازيم (یازاسی), التزام- آرزى (گرك يازام) و واجيب (يازمالى) شكيللرينده دؤرد چئشيدلى "سيز (siz), سيٌز (sız), سوز (suz), سوٌز (süz)" و يا "سينيز (siniz), سينيز (sınız), سونوز (sunuz), سونوز (sünüz)" شكيلچيلرى ايشلنر:
1. نقلى كئچميش: گؤرموشسوز (گؤرموشسونوز)
2. اينديكى زامان: قازيرسيز (قازيرسينيز)
3. قطعى گله جك زامان: قازاجاقسيز (قازاجاقسينيز)
4. غير قطعى گلجك زامان: اوْلارسيز (اوْلارسينيز)
5. لازيم شكيل: گله سیسيز (گله سیسينيز)
6. التزام- آرزى شكلى: گرك قازاسيز (گرك قازاسينيز)
7. واجيب شكيل: گلمه لیسيز (گلمه لى سينيز)
 قایناق : سس ، صرف کیتابی پروفسور زهتابی-تخلیص ائدن ، سارای خانیم
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯