🍎🏃📚✏️
 
بچنلو(بئچه نلی) ندیر

سولدوزدا ناغادئی- اوٌشنو یوْلوندا بیر کند واردی بِچَنلی(بئچنلی/بئچه نلی) آدیندا. نئچه ایل بوندان قاباق بو آد بئینیمه گیریب، ذهنیمی قاتیشدیردی. تصمیم توتدوم نه آنلامدا اولدوغونو آراشدیرام. عالیم تانیشلارین بیریندن سوْروشدوم او عالیم بیر ایکی گوٌندن سوْنرا وئردیگی جاواب بوایدی : فارسجادا بَچّه کلمه میز واردیر توٌرکلر بَچّه دئیه بیلمیردیلر بِچه دئییردیلر بئله لیکله بِچَلی سؤزو دیللرده بِچَنلی یعنی اوشاقلی آنلامیندا یایقین اوْلوب. بو یوْروم منی قانع ائتمه دی. نئچه نفردن سوْروشدوم هره بیر سؤز دئدیلر اوْنلارین ایچیندن بیری بویویدو: توْیوغون بیر ایللیک ائرکک بالاسینا بئچه دئییریک بو کندده بئچه چوْخ ساخلاردیلار اوْنا گؤره بئچنلی آدی قوْیوبدورلار. اوْ آغادان سوْروشدوم چ ایله ل آراسیندا ن نئجه اوْلا بیلر. بو ن نییه گیریب او ایکیسینین آراسینا؟ ...
بئچه نلی دئدیگیمیز کند، نقده(ناغادئی) شهرینده آخان گادار چایینین قیراغیندادیر گادار چایی ۶۰-۷۰ ایل بوندان قاباق گوٌرلو بر چای ایدی یای چاغیندادا قورومازدی قیشدا سوْیوغون اثرینده چوْخلو زامان اوْ کند و اوْرادان کئچن یوْل(بئل) دومانلی اوْلاردی توٌرکجه ده فارسجا دئییلن «مِه» سؤزونه «چن» دئییلیر. «چن» سؤزو کوْراوْغلونون اوْیلاغی چنلی بئل ده ده ایشلکدیر. بئله لیکله بئچنلی ایکی سؤزدن اوْلوشوبدور بئ +چنلی. چنلی اوسته دئدیگیم سؤزله آنلامی بللیدیر یعنی دومانلی= مه آلود. قالیر بئ.
بئ بئل سؤزونون قیسالمیشیدیر. ناغادئی ایله اوٌشنو شهرین یوْلو بو کنددن کئچیر اسکی زامان داغ دؤشوندن کئچن یوْلا بئل دئیردیلر بئل یعنی داغ یولو. داغ کئچیدی. = فا : گردنه.
(دئمه لییم ۶۰-۵۰ ایل بوندان اؤنجه اوْرادان گئچن یوْل ایندی گؤردوغوموز دَییلدی ایندی گؤردوغوموز یول دور، بیر دوٌز و صاف یوْل. آما او زامان داغین باشیندان یوْل کئچیردی یعنی (داغ یوْلو= گدیک= بئل) ایدی).
اوخویانلار یوٌزه یوٌز «یوْل» ایله «گدیگ»ین فرقین بیلیرلر.
بو بئل سؤزونو اردبیل سؤزجوکونده، اهر بؤلگه سینده بیلوئردی سؤزجوکونده، کوْراوْغلونون چنلی بئل ینده گؤرمک اوْلار. بئ بئل سؤزونون قیسالمیشیدیر= بئل =بئل چنلی. دانیشیق دیلینده «بئلی چنلی» = یوْلو دومانلی = راه مه آلود دئییلیردی. بو «بئلی چنلی» سؤزجوکو دیللرده دئییله دئییله «بئچنلی» سؤزجوکونه چئوریلیر. چاغداش رسمی یازیلیشدا یانلیش اوْلاراق «بئچه نلی» بچنلو یازیلیر.

 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯