🍎🏃📚✏️
 
#دکتر سید مرندی
 
ساری کامیش ( ساری قمیش)
 
تاریخده، ساری قمیش آدی ایکی دؤنه گلیبدیر.
هرایکسینده ده قار و بوز و اؤلومله برابر.
دئمک اوْلار ساری قمیش آدی فاجعه ایله تؤرنمیش.
۱= بیرینجی دفه صفویه نین چیخیش زامانی کی عثمانلی دا، شیعه سوْی قیریمی وصفویه حکومتینده، سنی سوی قیریمی یوْلا دوٌشدو.
۱۱_۱۲ مین نفرلیک شیعه ساری قمیش ائلی، زوروندا قالیر آنتالیا چؤللریندن ایرانا ساری قاچیب، شاه اسماعیله سیغینسینلار.
بو قاچیشدا ۸_۹مبن ساری قمیشلی یا عثمانلی عسکرلر الیله ویا توروس داغلارینین قار و سوْیوغوندان، اؤلوب ویالنیز۲تا۳ مین نفر ایرانا ودیاربکر سینیرینا چاتیر.
شاه اسماعیل دستورو ایله، بو طایفا موغان چؤلونده یئرلشیر وسوْنرا تام آذربایجانا و اوْ جوٌمله دن مرنده داغیلیرلار.
مرندین اینانلو طایفاسی، ساری قمیشدن دیر.
تبریز_ زنجان اوتوبان یوْلونون جیواریندادا بیر ساری قمیش آدلی کند هله واردیر.
۲=ایکینجی دؤنه ساری قمیشین قانلی آدی بیرینجی دونیا محاربه سینده و قارص ارزروم آراسیندا اولان الله اکبر داغلیغیندا اوٌز وئریر.
بو ایگید عسکرلر چالیشیردیلار روس اوْردوسونو، عثمانلی توْرپاقلاریندان ائشیگه آتسینلار. اما باش کوماندانلارین اشتباه اوٌستونده البیسه سیز وخورک سیز قالیب سوْیوق و قارلی بیر گئجه ده ۹۰ مین نفر عسکر اؤلورلر.
ارزرومدا منیم اصل دکترا تاریخ استادیم پروفسوردکتر گوٌرسوْی سوْلماز، کی بیر مهربان و بیر اولو شاعر و فتوگرافچی و ساری قمیش تاریخینین اوزمانیدی، ساری قمیش فاجعه سینه شعر کتابی یازیب و بو پست دا شعرلرینین بیرینی شیرین سسیله،اوْخویور.
گوٌرسوْی سوْلماز استادیما، آرتیق باشاریلار و جان ساغلیغی آرزو ائدیرم.
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯