🍎🏃📚✏️
 
#قیزیلباشلارین کؤکونه داها تاریخسل اوینارلارینا قیسا باخیش.    
 
(ایکینجی بؤلوم)
  
لقبی ابوالمظفر بهادرخان  #شاه_اسماعیل قیزیلباش داها  شاه اسماعیل #ختایی توٌرک قیزیلباش (صفوی) دولتینین قوروجوسو هابئله ایلک خاقان ایدی. بو سیرانین سوْن خاقانی شاه سلطان حسین ایدی.
 
بو دودمان ۲۲۱ ایل قیزیلباش اؤلکه سینه حؤکومت ائتدی. تبریز شهری  قیزیلباشلارین ایلک باش کندیلرایدی. سوْنرالار قزوین داها ایصفهان اوْلموشدو.
 
۸۷۹ جو ایلده قیزیلباش اتحادیه سی آنادوْلونون ارزنجان بؤلگه سینده شاه ایسماعیلین حوضورو ایله قورولدو. بوردایدی کی قرارا گلدیلر ایلک دؤنه گوٌرجوستان و باشقا قافقاز بؤلگه لرینی اله گئچیرسینلر  سوْنرا آذربایجانا آیاق باسسینلار. 
 
قیزیلباشلار اؤزلرینی چنگیز، امیر تئیمور، ایلخان-چنگیز امیرلری، داها تئیمور-کوٌرکنلر حاکیملری آچان یئرلرین واریثی بیلیب و ایسته ییردیلر توٌرک ایران و باشقا توٌرک بؤلگه لرده یئنی بیر توٌرک دؤولتی قورسونلار.
 
#شاه_اسماعیل_صفوی قیزیلباش اوْردوسونون آرخالیغی ایله قافقاز، آذربایجان و ایراق عجمی آچدی سوْنرالار ایندیکی ایرانین مرکز، گوٌنئی و باتیسینی دا اله کئچیریب و ایراق عرب ی اؤز آچدیغی یئرلره آرتیردی. بئله لیکله قیزیلباش توٌرک دؤولتینی چنگیز- تئیمور آچدیغی یئرلرین بیر بؤلومونده قوردو.
 
  قیزیلباش دؤولتینین قوروجولوغوندا چئشیتلی توٌرک ائللردن اوْن مین توٌرک ساواشچیسی آنادوْلو، ایراق و شام دان شاه ایسماعیل اوْردوسونا قاتیلمیشدیلار.
اوْنلار آشاغیداکیلاردان عیبارت ایدیلر‌:
 
۱-  شاملی ائلی آغ دنیز(مدیترانه) نین قوٌزئی-دوْغوسوندان( شمال شرق) و شام ین قوٌزئی- باتیسیندان(شمال‌غرب سوریه)
۲-  تکه‌لی ائلی آناتوْلونون قوٌزئی بؤلگه لریندن
۳-  اوْوشار ائلی آناتوْلونون دوْغوسوندان.
۴-  قاجار ائلی آناتوْلونون قوٌزئی هابئله دوْغو سوندان.
۵-  روملو ائلی آنادوْلونون مرکز و دوْغو بؤلگه لریندن.
۶-  قارا‌مان ائلی آناتوْلونون قوٌزئیی کیلیکیه بؤلگه سیندن قونیه چئوره سی.
۷-  وارساق ائلی کیلیکیه بؤلگه سیندن.
۸-  ذوالقدر ائلی انادوْلو ایله شام آراسی فرات چایی  قوزئییندن.
۹-  اوستاجلی ائلی آنادوْلونون دوْغوسوندان.
۱۰-  بایات ائلی انادوْلونون دوْغوسو و ایندیکی ایراقین قوزئییندن.
۱۱-  باهارلی ائلی آنادوْلونون دوْغوسوندان.
 
  قیزیلباش (#صفویه) خاقانلاری توٌرک دیلی، توٌرک بیلیکی، توٌرک کیملیگی، توٌرک گله نه یینه اؤنم وئرنلردن ایدیلر و بو بیلیکی قوْرویوب یاییملایانلاردان اوْلموشدولار و توٌرک دیلینی قیزیلباش ایمپراتورونون هر بیر نوقتاسیندا  ایله تیم(ارتباط) دیلی ائله میشدیلر.   سوْن.
 
 
✍️دوزنله مه: قاجار نویان اؤزتورک.
✍️چئویرن چاووش.
 
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯