🍎🏃📚✏️
اوٌز ده ییل دابان داشیدیر :
فارسلار ایچینده «رو نیست که سنگ پای قزوینه »چوْخ ایشله نن بیر سؤز.
بو سؤزون قارشیلیغیندا آشاغیداکیلار بیزده چوخ ایشلکدیر :
قاپیدان قوؤوورسان باجادان گیریر.
داها اوٌزونون سویو تؤکولوبدور.
نه اوتانماسی وار، نه چکینمه سی.
توٌرکییه ده بو سؤزه قارشیلیق :
«اۆزو یارقیلیق(محکمه، عدلیه، دادگاه) دۇواری» واردیر آنجاق بیزده آز ایشله نن بیر سؤزدور.
گلیب گئتمکده، دایانیب قالماقدا چوخ سورتولمک، چوخ سؤیکنمک اثرینده عدلیه نین دووالاری تمیس اولمایان بیر یئر.
آچیقلاما :
چوْخ اوتانماز و سیرتیق، جانی چوْخ سیریمسه میش. چوْخ کؤتک یئمکدن یوْخسا چوْخ دانلاق چکمکدن کؤنزلیگه دوْغرو گلمیش. اۆزونون سۇیو تؤکولموش بیریسی، قاپیدان قـوْوولدوقدا باجادان گیرن کیمسه.
) دابان داشینی نه قدر سوٌرتسن صاف اوْلماز. بیر چوخورو صافالسا ایچینده کی گیزلین دلیک-چوخورلار بیر به بیر گؤرسه نه جکدیر.
اوٌزونون سویو تؤکولموش آدامدا نئیله سن یوْلا گلمز.
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5346
77