✓
چاغداشلیق
#چاغداشلیق_شئعیر
✓شکر دیر، گج ائیله‌میشم
ییغیلینگ یولداش‌لار, آحوال آلاییم
گؤره‌گ من فلگه نیج ائیله‌میشم
دوْوراسی کجروْو دور, نیجه قالاییم
بئگر من چرخینی کج ائیله‌میشم؟
چلیپا زولف‌لارینگ حلقه, حلقه کج
منئمنن کج, اؤزونگه کج, خالقا کج
او گونوکی فلگ باخدی منه کج
بوْینومو قاپینگدا کج ائیله‌میشم
یاشیل‌باشیم آتمیش یاشیل ساراندز
سیلکینیب طوْووس‌تک ائدر عئشوه ناز
شیرین‌جانیم یار یولونا پای‌انداز
تئز تئز ائده‌سیدیم, گئج ائیله‌میشم
شئیخ صنعان کیمینگ ترسا شهرینی
ایچدیم شربتینی, گؤردوم زهرینی
بسکه تئشنه‌کامام عیشقینگ بحرینه
ایچدیم و قانمادیم, بج ائیله‌میشم
چوخ موددت‌دیر آسیلمیشام کلگدن
گچیرتدی چرخ منی بیرمینگ الگدن
آحوال‌آلان اولمادی بو فلگدن
بئگر بو فله‌گه گوج ائیله‌میشم؟
باشینگا دؤندوگوم وافالی یولداش!
دردیمی سؤیله‌مم, سئرریم اولور فاش
سنینگ اوزونگ گون دور, عاشیغینگ خوففاش
گوندوز چیخا بیلمم, گئج ائیله‌میشم
او کی ائدر عاشیقلیغینگ مشقینی
خوش و ناخوش گله, ائدر عیشقینی
ایبراهیم دئر: «اوْلدوم فلک دوشگونو
اوکوم شکردیر, گج ائیله‌میشم
✓سؤزلوگ
_قالاییم: قالام
_چلیپا: صلیب
_یاشیل‌باش: بیر رغم اؤردگ
_سیلکینمگ: قیوریلماق، قیممیلاماق،تکان یئمگ.
_قانماق: دویماماق. قانمادیم: دویمادیم
_کلگ: آغاج کونداسیندان دوزه‌لمیش بیر قاییق
_خوففاش: یاپالاق(خفاش)
_گئج: آلتیمکی بندده: گئجه
✓چاغداشلیق، قاشقایی‌نینگ دیل و ادبییاتی اه‌وی:
@chaghdashlIq
Post #5217
23
Forwarded from چاغداشلیق (کامبیز نجفی)
- ❤ 1