Uchrashuv davomida talabalarga yo‘llarda harakatlanish vaqtida hushyor va e’tiborli bo‘lish, piyodalar o‘tish joylaridan to‘g‘ri foydalanish hamda svetofor ishoralariga amal qilish yuzasidan tushuntirishlar berildi.

Shuningdek, piyodalarning yo‘lni belgilanmagan joylardan kesib o‘tishi qanday xavfli oqibatlarga olib kelishi mumkinligi alohida ta’kidlandi.

Talabalarga velosiped, skuter va mopedlardan foydalanishda xavfsizlik talablariga amal qilish, transport vositalarini boshqarishda belgilangan qoidalarga rioya etish haqida ham tavsiyalar berildi.

Tadbir davomida yo‘l harakati qoidalariga befarq bo‘lmaslik, har bir harakat uchun mas’uliyatni his etish va boshqalarning xavfsizligini ham e’tiborga olish muhimligi qayd etildi.