Buxoro viloyati Transportda xavfsizlikni ta'minlash boshqarmasi xodimlari tomonidan respublika miqyosida o'tkazilayotgan "Yoshlar orasida giyohvand moddalarning tarqalishining oldini olish” tezkor profilaktik tadbirining uchinchi bosqichi doirasida amaliy tadbirlar tashkil etildi.

Buxoro mintaqaviy temir yo'l uzeli filialiga qarashli Buxoro temir yo'l bekati ishchi-xodimlari ishtirokida o'tkazilgan ushbu targ'ibot-tashviqot tadbirida giyohvand moddalarining inson salomatligi hamda jamiyatga salbiy oqibatlari va ushbu illat uchun qonunchilikda belgilangan qat'iy javobgarlik choralari haqida batafsil ma'lumot berildi. Shuningdek, uchrashuv davomida temir yo'l hududida harakat xavfsizligini ta'minlash hamda turli baxtsiz hodisalarning oldini olish masalalari ham tushuntirilib, xodimlarning sergakligini oshirish yuzasidan zaruriy tavsiyalar berib o'tildi.