Uchrashuv davomida talabalarga yo‘l harakati qoidalariga qat’iy rioya qilish, yo‘llarda harakatlanishda ehtiyotkorlikni oshirish, piyodalar o‘tish joylaridan to‘g‘ri foydalanish hamda transport vositalarini boshqarishda xavfsizlik talablariga amal qilish yuzasidan tushuntirishlar berildi.

Shu bilan birga, uchrashuvda kiberjinoyatchilik, internet orqali sodir etilayotgan firibgarliklar va ularning oldini olish masalalariga ham alohida e’tibor qaratilib, talabalarga shaxsiy ma’lumotlar, bank kartalari rekvizitlari va SMS orqali keladigan tasdiqlash kodlarini begonalarga bermaslik, shubhali havolalarga kirmaslik, noma’lum shaxslarning turli va’dalar va takliflariga ishonib qolmaslik yuzasidan zarur tavsiyalar berildi.

Tadbir davomida yo‘l harakati xavfsizligi va kiberjinoyatlarning oldini olish mavzularidagi, talabalarni ogohlikka va hushyorlikka chorlovchi videoroliklar namoyish etildi.