Respublika miqyosida o'tkazilgan musobaqada Buxoro viloyatining ayollar terma jamoasi o'zining yuksak mahorati va g'alabaga bo'lgan kuchli ishtiyoqini namoyish etib, faxrli uchinchi o'rinni egalladi.

Bronza medali uchun kechgan hal qiluvchi bahsda buxorolik sportchi qizlar Namangan davlat universiteti jamoasiga qarshi maydonga tushishdi. Murosasiz va qizg'in o'tgan uchrashuvda Buxoro viloyati vakillari o'yin boshidan tashabbusni o'z qo'llariga olishdi. Ular har tomonlama ishonchli, taktik jihatdan puxta o'yin namoyish etib, raqiblariga deyarli imkoniyat qoldirishmadi. Yakuniy natija – 3:0 hisobidagi yirik va mutlaq g'alaba buxoroliklar foydasiga hal bo'ldi.

Ushbu yorqin muvaffaqiyat nafaqat jamoa a'zolarining tinimsiz mehnati va irodasi, balki Buxoro viloyati nufuzi ifodasidir. Buxoro viloyati jamoasini ushbu ajoyib yutuq bilan chin dildan muborakbod etamiz hamda kelgusi musobaqalarda ham shohsupaning eng yuqori pog'onalarini zabt etishlariga tilakdoshmiz!