Shofirkon tumanida voyaga yetmaganlar o‘rtasida giyohvandlik vositalari hamda psixotrop moddalarni iste’mol qilishning barvaqt oldini olish, yoshlarni turli salbiy illatlardan asrash maqsadida profilaktik tadbirlar o‘tkazildi.

Tadbirlar davomida o‘quvchi-yoshlarga giyohvandlik va psixotrop moddalarning inson salomatligi hamda kelajagiga salbiy ta’siri tushuntirilib, ularning huquqiy va ijtimoiy oqibatlari haqida ma’lumotlar berildi.

Shuningdek, voyaga yetmaganlarning bo‘sh vaqtini mazmunli tashkil etish, sog‘lom turmush tarziga rioya qilish hamda turli zararli odatlardan yiroq bo‘lish yuzasidan targ‘ibot-tushuntirish ishlari olib borildi.