🇺🇦🇺🇸🇷🇺 Украина Россия энергетика объектларига зарбалар бермасликка тайёр, масала Россия сулҳни хоҳлаши ёки йўқлигида — Володимир Зеленский

Украина президенти Володимир Зеленский АҚШ етакчиси Доналд Трампнинг энергетика сулҳи бўйича келишувга эришилгани ҳақидаги баёнотига изоҳ берар экан, Киев бундай келишувни олқишлашини айтди.

"Бу ҳамма учун яхши янгилик, у реалликнинг бир қисмига айланиши муҳим. Украина ўт очишни тўхтатиш ва урушни тугатишнинг барча реал ва ишончли форматларини қўллаб-қувватлайди. Украина Россия энергетикасига зарбалар бермасликка тайёр ва биз Россиянинг ҳам худди шунга тайёрлигига ҳамда Америка Қўшма Штатлари президентининг бу борадаги келишувига умид қиламиз. Биз бундай келишувни олқишлаймиз", — деди Украина президенти.

"Украина кўплаб деескалация қадамларини таклиф қилди. Путин уларнинг батчасига “йўқ” дея жавоб берди. Ниҳоят у АҚШга, Украинага ва бутун дунёга бошқа бирор нарса дейишига умид қиламиз. У қотилликлар ва ёлғондан ташқари бошқа нарса, ҳақиқий ва муносиб тинчликка олиб келадиган бир гап айтиши лозим. Украина тинчликни хоҳлайди. Масала Россия буни хоҳлаши ёки йўқлигида", — деди Володимир Зеленский.

"Украина Қуролли Кучлари тегишли барча буйруқларни олди. Украинани ҳимоя қиляпмиз. Украина қўллаб-қувватланиши учун курашяпмиз. Ҳамкорларимизнинг бизга ёрдам бериши мумкин бўлган барча қадамларини қўллаб-қувватлаймиз. АҚШ ва Россия мулоқотининг аниқ тафсилотларини ҳамда Путин президент Трамп айтган гапларини бажаришини кутяпмиз", — деб таъкидлади Украина етакчиси.

🔥 @burchakostida