“Besh tashabbus olimpiadasi”: Maktabgacha va boshlang‘ich ta’lim fakultetida sport bellashuvlari!

👍 Buxoro davlat pedagogika institutida yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda talabalarning jismoniy salohiyatini rivojlantirish maqsadida “Besh tashabbus olimpiadasi” doirasida Maktabgacha va boshlang‘ich ta’lim fakulteti talabalari o‘rtasida guruhlararo fakultet bosqichi bo‘lib o‘tdi.

Musobaqalar yengil atletika, futbol, basketbol, voleybol va stol tennisi sport turlari bo‘yicha tashkil etildi. Bellashuvlarda talabalar o‘zlarining jismoniy tayyorgarligi, chaqqonligi, tezkorligi, texnik mahorati va g‘alabaga bo‘lgan intilishini namoyon etdilar.

⚽️Qizg‘in va murosasiz kechgan musobaqalarda jamoalar o‘zaro kuch sinashib, sport mahorati, jamoaviy hamjihatlik va qat’iyatni namoyish etdilar. Jamoaviy sport turlarida o‘zaro hamkorlik va birdamlik muhim ahamiyat kasb etgan bo‘lsa, yengil atletika hamda stol tennisi bahslarida ishtirokchilarning tezkorligi, aniqligi va individual mahorati sinovdan o‘tdi.

✅ Ijtimoiy tarmoqlardagi sahifalarimiz:
📱 Telegram |🌐 Veb-sayt | 📱 Instagram | 📱 You tube