Buxoroda Ozarbayjonshunoslik markazi o‘z faoliyatini boshladi

Buxoro shahrida o‘tkazilayotgan “Ozarbayjon madaniyati va san’ati kunlari” doirasida Buxoro davlat universiteti Tarix fakultetida buyuk ozarbayjon mutafakkiri Yusuf Qorabog‘iy nomidagi Ozarbayjonshunoslik markazining tantanali ochilish marosimi bo‘lib o‘tdi.

👍 Tadbirda Buxoro davlat pedagogika instituti rektori Ma’murov Bahodir Baxshulloyevich ham ishtirok etdi. Ramziy lenta kesish marosimi orqali markaz rasman o‘z faoliyatini boshladi.Mazkur markazning tashkil etilishi O‘zbekiston va Ozarbayjon o‘rtasidagi ko‘p asrlik tarixiy-madaniy aloqalarni yanada mustahkamlash, ikki xalqning boy ilmiy va ma’naviy merosini o‘rganish, shuningdek, ta’lim va ilm-fan sohalaridagi hamkorlikni kengaytirishda muhim ahamiyat kasb etadi.

Bunday tashabbuslar xalqlar o‘rtasidagi do‘stlik va hamjihatlikni mustahkamlash, mushtarak qadriyatlarni asrab-avaylash hamda kelajak avlodlarga yetkazish yo‘lidagi muhim qadamlardan biridir.

✅ Ijtimoiy tarmoqlardagi sahifalarimiz:

📱 Telegram |🌐 Veb-sayt | 📱 Instagram | 📱 You tube