BuxDPIda “Ma’rifat ulashib” loyihasi o‘tkaziladi
👍 Buxoro davlat pedagogika institutida talaba-yoshlarni kitob mutolaasiga keng jalb etish, ularning badiiy savodxonligi va ma’naviy dunyoqarashini yuksaltirish, qalbida vatanparvarlik hamda yurt kelajagiga daxldorlik tuyg‘ularini mustahkamlash maqsadida “Ma’rifat ulashib” loyihasi tashkil etiladi.
🌟 Loyiha doirasida taniqli adiblar bilan ijodiy uchrashuvlar, adabiy suhbatlar va ma’rifiy muloqotlar o‘tkazilishi rejalashtirilgan. Ushbu uchrashuvlar talaba-yoshlarning kitobxonlik madaniyatini rivojlantirish, adabiyotga bo‘lgan qiziqishini oshirish hamda ijod ahli bilan yaqindan muloqot qilishlari uchun imkoniyat yaratadi.
➡️ Loyihada quyidagi taniqli ijodkorlar ishtirok etadi:
🤩 Sirojiddin Rauf — “Shuhrat” medali sohibi, “Oltin qalam” va “E’tirof” tanlovlari sovrindori, “Ahmad Yassaviy” medali sohibi, “Sharq yulduzi” va “Zvezda Vostoka” jurnallari bosh muharriri, shoir.
🤩 Zikrillo Nemat — “Do‘stlik” ordeni sohibi, “A’lo xizmatlari uchun”, “Ma’naviy-ma’rifiy ishlar a’lochisi”, “Ichki ishlar organlarining faol faxriy xodimi” hamda “I darajali Mehnat faxriysi” ko‘krak nishonlari sohibi.
🤩 Najmiddin Turon (Ermatov) — O‘zbekiston Yozuvchilar uyushmasi a’zosi, shoir.
🗓 Sana: 2026-yil 13-oktabr
📍 Manzil: Buxoro davlat pedagogika instituti
Kitob — ma’rifat manbai, adabiyot esa qalblarni ezgulikka chorlovchi ma’naviy kuchdir. “Ma’rifat ulashib” loyihasi yoshlar qalbida mutolaaga muhabbat uyg‘otish, ularning ma’naviy olamini boyitish va kitobxon avlodni tarbiyalashga xizmat qiladi.
✅ Ijtimoiy tarmoqlardagi sahifalarimiz:
📱 Telegram |🌐 Veb-sayt |📱 Instagram | 📱 You tube