ICT Week doirasida HR-ekotizim raqamli platformalari taqdimoti o‘tkazilmoqda

Ayni kunlarda yurtimizda o'tkazilayotgan ICT Week tadbirlari doirasida O‘zbekiston Respublikasi Prezidenti huzuridagi Boshqaruv samaradorligi agentligining inson resurslarini boshqarish sohasidagi zamonaviy raqamli platformalari ham ishtirokchilarga taqdim etilmoqda.

Taqdimot davomida platformalarning davlat tashkilotlarida inson resurslarini boshqarish jarayonlarini raqamlashtirish, vakansiyalarni boshqarish, xodimlarning kasbiy rivojlanishini qo‘llab-quvvatlash hamda HR jarayonlarini yanada samarali va shaffof tashkil etishdagi imkoniyatlari namoyish etilmoqda.

Platformalarning amaliy imkoniyatlari, qulayligi va HR jarayonlarini yangi bosqichga olib chiqishga xizmat qiluvchi yechimlari tadbir ishtirokchilarida katta qiziqish uyg‘otmoqda.

Bunday tadbirlar zamonaviy davlat boshqaruvida inson kapitalidan samarali foydalanish, ilg‘or yondashuvlar bo‘yicha o‘zaro tajriba almashish hamda amaliyotga yangi raqamli yechimlarni joriy etishda muhim ahamiyat kasb etadi.

Rasmiy sahifalarimiz
Veb-sayt|Telegram|Facebook|Instagram|You Tube|X|in|Aloqa