#Bilgalarimiz

“Bilga” jamoasi sayohat davomida tanishgan qadrli insonlari bilan sizlarni ham tanishtirib boradi.

Bu inson davramizning eng yoshi ulug‘ sayohatchisi — Zokirov Yusufjon ota. Biz bilan shoir Najmiddin Ermatovning Quyosh shaharchasidagi she’riy kechasida birga bo‘lgandi. Zakiy, ma’rifatli inson, adabiyotni sevadi, yoshlarni, ziyolilarni kuzatadi.

1957-yil Namangan shahrida tug‘ilgan. Sayohatga ham uzoq viloyatdan Toshkentga yetib kelgandi.

Yoshligida hunarmand usta binokor bo‘lgan, 10 yilga yaqin non kombinatida turli lavozimlarda ishlagan va 15 yil mahalla raisi bo‘lgan otaxon chin ma’noda bilga inson.

Hozir nafaqadalar, lekin jamiyatimizdagi har bir voqea, har bir og‘riqqa o‘z fikri, mulohazalari bor.

Biz 15 nafar nevara va 2 nafar evarali inson, katta avlod vakili bilan huddi tengdoshdek sayohat qildik, suhbatlashdik. Chunki, dillarimiz bir, fikrlarimiz yaqin, ruhlarimiz tanish edi.

Sayohatdan topgan bilgalarimiz hali ko‘p. Tanishsangiz, siz ham ular suhbatiga oshiqasiz!


🌏 BILGA tur – aql va ruh bilan sayohat!

Rasmiy sahifalar:

📱 Telegram 📱 Instagram 🌐 facebook 🔻 sayt