Маҕаһыын эйигин кытта төрөөбүт тылгынан кэпсэтэр буоллаҕынаАтыылаһааччы төрөөбүт тылынан суруллубут суруктар маҕаһыыҥҥа баар буоллахтарына атыылаһааччы эрэх-турах сананар уонна ис туруга быдан тупсар, онон атыыһыттары кытта ордук аһаҕастык алтыһар уонна өҥөнөн туһаныыта (ол аата атыылаһыыта) элбиир дииллэр.
Тоҕо оннуга буолуой?
▫️Эрэх-турах сананыы уонна кыттыһыы:
Информацияны дөбөҥнүк өйдүүр буоллаҕына киһи бэйэтин ордук бигэтик сананар уонна табаары ордук дөбөҥнүк атыылаһар.
▫️Хааччах кыччыыр:
Төрөөбүт тылынан сурук эйгэни ордук өйдөнүмтүө оҥорор, онон атыылаһааччы араҥата кэҥиир.
▫️Маҕаһыын туһунан санаа тупсуута:
Астык-бастык уонна өйдөнүмтүө эйгэ мэйии ордук иҥэринэригэр туһалыыр, онон атыылаһааччы маҕаһыын туһунан бэйэтэ да билбэтинэн үтүөтүк саныыр буолар.
▫️Итэҕэйии, эрэнии үрдүүр:
Төрөөбүт тылы туһанан маҕаһыыннар киһиэхэ болҕомтолоохтук сыһыаннаһалларын көрдөрөллөр, онон тэрилтэҕэ, кини аатыгар, атыылыыр табаардарыгар эрэл үөскүүр.
Маннык диир эбит маркетология диэн билим (наука).
"Пятерочка" маҕаһыын, "Саха тыла 400" хамсааһын этиитин ылынан, аҕыйах хонуктаахха атыылыыр саалаларын иһигэр сахалыы навигация суруктарын оҥордо.
Оттон биһиэхэ сахаларга, чуолаан тыл дьайыксыттарыгар, бу эгэ эрэ буоллаҕа. Төһөнөн саха тыла нуучча тылын кытта бииргэ туттуллара кэҥиир даҕаны, оччонон ыччаппыт тылын ытыктыыра бөҕөргүүр, оттон атын омуктар икки тыллаах суруктары көрөн, маны сөптөөх, буолуохтаах буолбутун курдук көрөллөрө улам олохсуйан иһиэ.Эһиги туох дии саныыгытый? Атын маҕаһыыннар бу үтүө холобуру батыһыахтара дуо?
Биики Халандаар | Сурут | Ырыт