Балаҕан ыйын 26 күнүгэр туох буолбут эбитий?🌏 Аан дойдутааҕы контрацепция күнэ
🇪🇺 Европа Сойууһа — Европа тылларын күннэрэ
🔸 Кытай, Кытай Өрөспүүбүлүкэтэ (Тайвань), Гонконг — Күһүн ортото
🇺🇸 АХШ — Үтүө ыаллыылар күннэрэ
🇪🇨 Эквадор — Дойду былааҕын күнэ
🇳🇿 Саҥа Зеландия — Доминион күнэ (1907, Улуу Британияттан тутулуга суох буолуу)
🇾🇪 Йемен — Өрөбөлүүссүйэ күнэ.
🔹 1345 — Фризтэр Варнс аттынааҕы кыргыһыыга Голландияны кыайбыттар. Нидерланд хоту өттүгэр Фрисландия диэн региоҥҥа олорор фриз омуктар (фриз тылынан 470 тыһ. киһи саҥарар) билигин да бу күнү киэҥник бэлиэтииллэр.
🔹 1687 — Венеция аармыйата Афины куораты ытыалааһынын кэмигэр Парфенон храм урусхалламмыт.
🔹 1799 — Иккис коалиция сэриитин кэмигэр Массена диэн салалталаах француз аармыйата Корсаков хамаандалаах нуучча сэриитин Швейцарияҕа Цюрих анныгар кыайбыт. Төһө да Суворов салалталаах иккис аармыйа ситиһиилэммитин иһин бу хотторуу кэнниттэн Арассыыйа союзниктарыттан арахсан сэрииттэн тахсарга күһэллибитэ.
🔹 1887 — АХШ айааччыта Эмиль Берлинер граммофону патеннаабыт.
🔹 1983 — Сэбиэскэй Сойууска дьуһуурунай офицер Станислав Петров ядернай ракета көтөн иһэр сигналын сымыйа диэн быһаарбыт, "тревога" биллэрбэтэх. Инньэ гынан ядернай сэрии саҕаланыахтааҕын мүлчүрүппүт. Кэлин киниэхэ элбэх дойдулар ардыларынааҕы наҕараадалары туттарбыттара, кини туһунан "Аан дойдуну быыһаабыт киһи" диэн киинэ устубуттара.
🔹 2008 — Монголия киин куоратын Улаанбаатар кытыытыгар Чыҥыс Хаан саамай улахан мэҥэтэ аһыллыбыт, үрдүгэ — 40 м.
🔹 2016 — Колумбия бырабыыталыстыбата уонна өрө турааччылар ыккардыларыгар сөбүлэҥ түһэрсиллибит. 1964 сыллаахтан тохтооботох Гражданскай сэрии түмүктэммит.
🔹 Бүгүн ахтыллар дьон:
Төрөөбүттэр:
▫️1911 — Анастасия Парникова (2001 өлб.) — саха устуоруйатын чинчийбит учуонай, устуоруйа билимин хандьыдаата.
▫️1919 — Иннокентий Попов (1975 өлб.) — устуоруйа билимин хандьыдаата, Аҕа дойду Улуу сэриитин кыттыылааҕа. Саха государственнай университетын ректора (1959—1973).
▫️1933 — Иван Алексеев (1995 өлб.) — бэйиэт, драматург, суруналыыс. Арассыыйа Суруйааччыларын холбоһуктарын чилиэнэ. СӨ култууратын үтүөлээх диэйэтэлэ.
▫️1939 — Федор Зыков — устуоруйа билимин хандьыдаата, сахалар материальнай култуураларыгар идэлээх этнограф.
▫️1954 — Егор Старостин - Байаҕантай (28.07.2018 өлб.) — теплофизик, геокриолог учуонай, техническэй билим дуоктара, Хоту дойду физикаҕа-техникаҕа кыһалҕаларын үнүстүүтүн дириэктэрэ, бэйиэт, Саха Өрөспүүбүлүкэтин суруйааччыларын сойууһун чилиэнэ[1].
Өлбүт:
▫️2001 — Анастасия Парникова — саха устуоруйатын чинчийбит учуонай, устуоруйа билимин хандьыдаата.
🔹 Бу халандаар кылгатыллыбыта. Сиһилии манна көрүөххэ сөп.
Биики Халандаар | Сурут | Ырыт