Прэзідэнт Украіны заявіў у інтэрв’ю журналісту Пірсу Моргану, што не збіраецца пакідаць пасаду да заканчэння баявых дзеянняў:
«Ні Трамп, ні [Ілан] Маск, ні хто-небудзь іншы ў свеце не могуць выбіраць кіраўніка маёй краіны. Гэта могуць зрабіць толькі грамадзяне Украіны».
Паводле яго, «некаторыя ўплывовыя людзі хочуць яго замяніць, бо ён ніколі не прызнае ўкраінскую зямлю расейскай».
Трамп абвінаваціў Зяленскага ў нежаданні заключаць мірную дамову і заявіў, што Расея можа дазволіць сабе страціць мільён чалавек, тады як Украіне не хапае людскіх рэсурсаў.
Пры гэтым пасля абвяшчэння Трампам энергетычнага перамір’я Украіна на два дні спыніла ўдары па расейскіх НПЗ, аднак Расея працягнула атакаваць украінскую энергетычную інфраструктуру. Таму Украіна аднавіла ўдары па Расеі.