«Калі мы прайграем вайну, нас усіх павесяць!»

У архіў берлінскага аддзялення Інстытута імя Вітальда Пілецкага паступілі ўспаміны нямецкага чыноўніка, які ў 1943–1944 гадах працаваў у акупацыйнай адміністрацыі на тэрыторыі Польшчы.

У беларускім кантэксце ўвагі заслугоўвае эпізод, у якім аўтар пераказвае размову з афіцэрам вермахта пра масавыя расстрэлы яўрэяў у акупаваным Мінску.

Афіцэр расказаў, як мужчын, жанчын і дзяцей прывозілі грузавікамі да вялікіх ям і забівалі стрэламі ў патыліцу. Удзельнікі расстрэлаў былі п'яныя, а адзін з іх страціў розум.

«Мяне ванітуе. Гэтага не можа быць! [...] Калі гэта праўда і мы прайграем вайну, нас усіх павесяць!» — занатаваў чыноўнік сваю рэакцыю.

Пра гэты дакумент і яго значэнне для даследавання нацысцкай акупацыі распавядае Віктар Корбут у рубрыцы «Варшаўскі мост» Беларускай службы Польскага радыё.