📖 «Літаратурныя зацемкі»: Сяргей Дубавец пра ўспаміны Яна Булгака і свет шляхецкай Беларусі

У новым выпуску падкаста «Літаратурныя зацемкі» пісьменнік і публіцыст Сяргей Дубавец звяртаецца да кнігі ўспамінаў «Край дзіцячых гадоў» Яна Булгака — класіка беларускай і польскай фатаграфіі, 150-годдзе з дня нараджэння якога адзначаецца сёлета.

Успаміны Булгака пераносяць чытача ў свет шляхецкай Беларусі канца ХІХ — пачатку ХХ стагоддзя. У цэнтры аповеду — маёнтак Асташын на Наваградчыне, сямейныя традыцыі, побыт і культурнае асяроддзе эпохі, якая паступова адыходзіла ў мінулае.

Асобную ўвагу Дубавец надае моўнаму жыццю тагачаснай шляхты. Беларуская мова гучала не толькі сярод сялян і прыслугі, але і ў шляхецкіх сем’ях, дзе яе ўжывалі побач з польскай. Булгак згадвае, што ягоны бацька любіў беларускую гаворку як родную і ахвотна карыстаўся ёю ў сямейных размовах.

🎧 Выпуск можна паслухаць або прачытаць у тэкставай версіі з цытатамі з кнігі