🌱 150 год ураджэнцу Гродзеншчыны, фотамастаку і краязнаўцу, вядомаму як «бацька польскай фатаграфіі»

🪻 6 кастрычніка 1876 года ў маёнтку каля вёскі Асташын (сёння Карэліцкі раён Гродзенскай вобласці) нарадзіўся адзін з першых беларускіх фатографаў, гісторыкаў фатаграфіі і даследчык этнаграфіі — Ян Булгак.

Вучыўся ў класічнай гімназіі ў Вільні. Да 1912 года жыў у вёсцы Пярэсека Мінскага павета, дзе атрымаў у спадчыну маёнтак.

💍 У 1901 годзе ажаніўся са стрыечнай сястрой Ганнай Хаціскай. Пасля смерці бацькі прадаў маёнтак і набыў у Радзівілаў фальварак у Беліцы каля Мінска.

🌱 Фатаграфаваць пачаў у 1905 годзе, калі жонка атрымала фотаапарат у падарунак. Першыя здымкі рабіў пад кіраўніцтвам Баляслава Дамейкі. У 1908 годзе стварыў фоталабараторыю і атрымаў узнагароду на фотаконкурсе.

💅 У 1910 годзе пазнаёміўся з мастаком Фердынандам Рушчыцам, які дапамог яму стаць прафесіяналам. Пазней Булгак прайшоў стажыроўку ў Германіі.

🏛 З 1912 года працаваў у Вільні, дзе зняў больш за 800 фатаграфій архітэктурных помнікаў і этнаграфічных сюжэтаў, у тым ліку выявы «Беларус з-пад Клецка» і «Бабулька-беларуска з маёнтка Пярэсека».

📖 У 1915 годзе выдаў альбом «Літва ў здымках Яна Булгака», дзе былі прадстаўлены фотаздымкі Гродна, Навагрудка, Міра, Нясвіжа і іншых мясцін.

🌱Булгак таксама вывучаў беларускі фальклор і гісторыю мастацтва, а яго архіўныя фотаздымкі захоўваюцца ў Вільні, Варшаве і Нацыянальнай бібліятэцы Беларусі.

🌱Памёр 4 лютага 1950 года.