Eng nufuzli IMO xalqaro olimpiadasi sovrindori, taniqli matematik, KHISO olimpiada maktabi asoschisi, matematika fanlari bo‘yicha falsafa doktori (PhD) Sardor Bozarboyev bilan bugungi yangiliklar haqida suhbatlashdik.

Bugun Prezidentimiz tomonidan taʼlim tizimidagi revolyutsion qaror aytildi: endi O‘zbekistonda ham har qanday davlat rivojining asosi hisoblangan fanlar sinflarda 2 ga bo‘lib o‘tiladi. Bu matematika, fizika, kimyo, biologiya fanlari bo‘lib, endilikda sinfda kamida 26 ta o‘quvchi bo‘lsa 2 guruhga bo‘lib, 13 nafardan o‘tiladi. Ustozlar 40 ta bolaga bu murakkab fanlarni o‘qitish o‘rniga 20 ta bolaga o‘tadi. Sardor Bozarbaev bilan shunday ulkan o‘zgarishlar haqida uzoq suhbatlashdik. Mazza qildik yangiliklarni tahlil qilib. Fursatdan foydalanib mazkur taklifni tayyorlab, Davlat rahbariga taqdim etgan Prezident Administratsiyasi rahbarining Taʼlim bo‘yicha o‘rinbosari Ilhom Siradjevga minnatdorlik bildirmoqchiman, bu birgina ustozlar manfaatiga emas, butun xalq kelajagi uchun salmoqli qaror, oson emas bunday qaror chiqarish, ikki barobar xarajat qiladi endi davlat, lekin ikki barobar xarajat qilsak-da, bu orqali mamlakat taʼlim sifatini yaxshilash uchun juda-juda katta qadam!

Rahmat hurmatli Prezident!

@domlajon
t.me/domlajon