🚀 IT стартап асосчиси Алишер ҳар кеча компьютер олдида ишларди. Унинг ҳар бир коди, ҳар бир қарори - катта натижага олиб борувчи навбатдаги қадам эди.
Унинг укаси Иброҳим доимо ёнида бўларди: бир куни расм чизар, баъзан сукутда акасини кузатарди. У акасининг энг катта дарсини билиб бўлганди: “Бошлаш керак!”.
Бир куни Иброҳим мактабдан ялтироқ муқовали, оппоқ саҳифали янги дафтар кўтариб келди. У илҳомланган, лекин бир вақтнинг ўзида иккиланарди. Биринчи саҳифани очди... лекин ёзмади.
- Нимага ёзмаяпсан? - деб сўради Алишер.
- Бирор хато қилиб, дафтарни бузиб қўйгим келмаяпти, - деди укаси.
Алишер эски дафтарини олиб келдида укасига кўрсатди. У ерда хато, чизиқлар, қайта ёзилган ғоялар бор эди.
- Мана қара, шу саҳифалар орасида мен стартапим учун энг яхши ғоямни топдим, - деди у. Агар ҳар саҳифани “чиройли” ёзишни кутаверсанг, дафтар чириб кетади. Хато қилишдан қўрқма. Муҳими - бошлаш.
Иброҳим қаламни олди. Биринчи сўзни ёзди. У мукаммал эмас эди, аммо у биринчи сўзни ёзди.
Алишер укасини елкасидан қоқиб қўйди:
- Ҳаётда ҳам шундай. Мукаммал лаҳзани кутсанг, у ҳеч қачон келмаслиги мумкин. Сен бошламаган лойиҳа - йўқ лойиҳа. Сен риск қилмаган ғоя - ўлдирилган имконият.
✅ Хато қил. Ўрган. Ўс. Давом эт. Ғолиб чиқ.
🌠Мукаммаллик кутма. Бошла.
@baxrom_ceo