СТМ АЗАТЛЫК ТЯБ

ТАТАР ИФТАРЛАРЫ!

Хөрмәтле милләттәшләр!
Аллаһы ризалыгы өчен һәм Татарларны берләштерү максатыннан, Төркиянең 5 шәһәрендә: Искешәһәр, Истанбул, Анталия, Алания, Әнкара Татар ифтарлары оештырабыз.

Ифтарларны оештыруда мадди теләктәшлек тә бик мөһим. Һәр ифтар кимендә 7-8 мең лирага (21-24 мең сум) чыга.

Теләүчеләр булса, әлеге ифтарларга әз булса да ярдәм итә аласыз. Эшебез дә, ашыбыз да уртак булыр.
Бер рухта, бер-бер артлы Төркиядә икенче (!) тапкыр 5 Татар ифтары оештырабыз.

Ничек ярдәм итәргә?
1) ибан
TR16 0001 0024 8096 5281 3750 04
Nail Nabiullin
Ziraat Bankası

2) Сбербанк картасы:
4276620025274659 Хисматова Г.Р.
(тормыш иптәшемнеке)

3) Крипта. USDT TRC-20(Tron) - TJApWScyLfzJbNQ5Yw3iokevd4D84RW6rY

@Nailtatar га языгыз.

"Язык и история являются наиболее важными факторами в сохранении и развитии национальной идентичности." - Юсуф Акчура

Хәерле иртәләр!
Уразаның 2нче көне. Сәхәрләрегез тәмле булсын!

Бүген Йосыф Акчураны искә алабыз.
Кем соң ул Йосыф Акчура?
Сәясәтче, җәмәгать эшлеклесе, галим, журналист, сәяси төркичелекне нигезләүчеләрнең берсе, төрки халыклар даирәсендә иҗтимагый-сәяси һәм этномәдәни процесслар үсешенә зур өлеш керткән олы шәхесебез.

Йосыф Акчура турында кыска гына видео карарга тәкъдим итәбез.

https://www.youtube.com/watch?v=_mYgxGzQNc8

11нче март - Татар халкының бөек улы Йосыф Акчураның вафатына 89 ел.
Рухы шат, урыны җәннәттә булсын!
Олы хөрмәт һәм зур сагыну белән искә алабыз!

11 марта - исполнилось 89 лет со дня смерти Юсуфа Акчуры.
Мы вспоминаем его с большим уважением и почтением!
Пусть душа Акчуры обретет покой в Раю!

АНА ДОГАСЫ
(Г.Тукай)

Менә кич. Зур авыл өстендә чыкты нурлы ай калкып,
Көмешләнгән бөтен өйләр, вә сахралар тора балкып.

Авыл тын; иртәдән кичкә кадәр хезмәт итеп арган
Халык йоклый — каты, тәмле вә рәхәт уйкуга талган.

Урамда өрми этләр дә, авыл үлгән, тавыш-тын юк;
Авыл кыръенда бер өйдә фәкать сүнми тора бер ут.

Әнә шул өй эчендә ястүеннән соңра бер карчык
Намазлыкка утырган, бар җиһаннан күңлене арчып;

Күтәргән кул догага, яд итә ул шунда үз угьлын:
Ходаем, ди, бәхетле булсайде сөйгән, газиз угълым!

Тамадыр мискинәмнең тамчы-тамчы күзләреннән яшь;
Карагыз: шул догамы инде тәңре каршына бармас?

ХУШ КИЛӘСЕҢ, УРАЗА АЕ!

Хөрмәтле милләттәшләребез!
Аллаһының рәхмәте белән тагын бер Ураза аена аяк бастык һәм ошбу изге көннәрне күрә алдык.
Ураза айларыбыз котлы булсын!
Аллаһы җиңеллек, сабырлык белән уразаларыбызны тотарга, күбрәк изге эшләр башкарырга, намазларыбызны укырга насыйп итсен! Ураза ае - ул безгә бер сынау. Ураза ае безгә Аллаһыдан җибәрелгән мөмкинлекләр ае. Ураза ае - өмет һәм тырышлык ае!

Милләтебез киләчәге өчен күптән күп эшләр башкарасыбыз бар. Аллаһы безгә бу юлларыбызда ярдәм итсә иде! Бердәм булыйк һәм һәрберебез хәлдән килгәнне эшләргә тырышыйк!

Бөек юлбашчыбыз Гаяз Исхакый Татарның юлы турында шулай әйткән:

“Татарның кыйбласы ачык итеп тәгаен ителгән: ул үзенең милли барлыгын саклап, үзенең киләчәктә үзенчә үсүенә, алга китүенә килешү – бер нигез әзерләү”.

Икенче бер фикерендә Гаяз Исхакый Татарлар бердәмлек юлында булганда, милләтебезгә бернинди киртәләр булмаганын искәртә һәм халкыбызны тимер белән чыгыштыра.

“Безне цемент кебек бергә баглый торган көчнең берсе милләтчеләребез булса, икенчесе – динебез. Үткәндә бабаларыбызга таулар, сулар каршы килә алмаганы кеби, безгә дә моннан шулай ук аеруча көч була алмаячак.
Безнең халык эреми торган металдан ясалганга, аңа берләшү дәверендә бернәрсә дә каршы тора алмаган вә алмый” – дип әйтә юлбашчыбыз.

Бердәмлек юлында нык булыйк, халкыбызны бөтен җирдә берләштерик, халкыбызның киләчәге өчен һич бер көчебезне кызганмыйк!

Хуш киләсең, Ураза ае! Без сине сагынып көттек!
Аллаһы тоткан уразаларыбызны, догаларыбызны, яхшы эшләребезне кабул итсен! Әмин!

АНТАЛИЯ МАРАФОНЫ 2024 НИЧЕК УЗДЫ?
"Татарлар йөгерә" ютуб каналында өр-яңа видео!
Татар телендә контент ясыйбыз!
Карагыз, ютуб каналыбызга язылыгыз, лаеклагыз, фикерләрегезне языгыз. спорт яратучы дусларыгызга җибәрегез!)

Создаем контент на татарском языке. Впервые канал про бег на татарском. Поддержите подпиской, лайками, комментариями.

https://www.youtube.com/watch?v=GMnMJGTDTXQ

Татарстанның халык артисты ӘЗҺӘР ШАКИРОВ "Сөннәтче бабай" ролендә.
https://www.youtube.com/watch?v=tykR3jMPMGU

Хөрмәтле милләттәшләр!
Искә төшерәбез!
Иртәгә кич Ураза ае башланачак.
11нче март көнне беренче Ураза көненә керәчәкбез!
Булдыра алсагыз уразалар тотыгыз, күбрәк изгелекләр кылырга тырышыгыз!
Аллаһы Ураза аен бәрәкәтле итсен!

Кадерле хатын-кызларыбыз!
Сезне чын күңелдән бәйрәмегез белән тәбрик итәбез!
Сөембикә сыман горур, Зөләйха сыман көчле, Мөхлисә Бубый сыман ныклы булыгыз!
Милләтебез киләчәге өчен Сезнең хезмәтегез бик мөһим!

8 март - кайгылы көн! Нәкъ бу көнне, 1944 елда татарлар өчен кардәш халык - балкарлар сөргенгә җибәрелде. Бүген әлеге олы фаҗига корбаннарын искә алып, тугандаш балкар халкының авыр кайгыларын уртаклашабыз!

Кардәшләребез! Бу авыр көнне безнең йөрәкләр Сезнең белән! Сезнең фаҗига - ул безнең өчен дә олы кайгы!

8 марта - день памяти жертв Балкарского народа! Именно в этот день, в 1944 году произошла депортация братского татарам - балкарского народа. Сегодня мы вспоминаем жертв этой трагедии, и выражаем искренние соболезнования и поддержку братскому балкарскому народу!

Братья! В этот трудный день наши сердца с Вами! Ваша боль - это и наша боль! Помним! Не забудем!