Татарстан эшмәкәрләре хокукларын яклау вәкиле Фәрит Абдулганиев киләчәктә республика парламент рәисе булырга мөмкин

Бу хакта Бизнес Онлайн яза.

Фәрит Абдулганиев Биектау бер мандантлы бүлгегә өстәмә сайлауларга үз-үзен тәкъдим итүче намзәт буларак документларын тапшырган. Басма мәгълүматларынча, Абдулганиев сентябрьдә сайланганнан соң республика парламентын җитәкләргә мөмкин.

Быел мартта Фәрит Мөхәммәтшин Татарстан парламенты рәисе вазифасыннан киткәннән соң, аны вакытлыча Марат Әхмәтов алыштырды. Бу вазифага билгеләнәчәк төрле кешеләр исемнәре фаразланды.

“Әмма республика элитасы арасындагы фаразларда Абдулганиев исеме яңгырамады — мондый адымны, мөгаен, беркем дә алдан фаразлый алмагандыр”, дип яза басма.

50 яшьлек Абдулганиев элек Универсиада авылы мэры, экология һәм икътисад министры булган иде. 2016 елда Экология министры булганда ул Азатлык Радиосы соравына да җавап бирде.

@azatliqradiosi