14076. Оиша розиялоҳу анҳодан ривоят қилинади. Расулуллоҳ соллаллоҳу алайҳи васаллам: “Агар сизларнинг биродарингиз вафот этса, уни ўз ҳолига қўйинглар ва у ҳақида ёмон гапларга киришманглар”, дедилар.

Абу Довуд ривояти.

Изоҳ: Расулуллоҳ соллаллоҳу алайҳи васалламнинг: «Агар сизларнинг биродарингиз вафот этса» деган сўзларидаги «биродарингиз» дегани — сизлар ҳамроҳ ва дўст бўлиб юрган мўмин-мусулмонлардир.
2«Уни ўз ҳолига қўйинглар, уни ёмонлаб гапирманглар» дегани эса: уни ёмон сўзлар билан тилга олишни тарк этинглар, балки уни яхши ном билан ёд этинглар; агар яхши сўз билан ёд этиш имкони бўлмаса, у ҳақида гапиришдан тийилинглар, деганидир.
Бунда уммат учун тириклар ва вафот этганлар билан хушмуомала бўлиш, уларнинг шаънини риоя қилиш ва яхши муносабатда бўлишга далил бор.
- Яна бир фикрга кўра, «уни ўз ҳолига қўйинглар» деганининг маъноси: у вафот этганидан кейин унга бўлган муҳаббатни, уни деб йиғлашни ва унга боғланиб қолишни тарк этинглар, деганидир.
- Яна бир талқинга кўра, маъноси: “Уни Аллоҳ таолонинг раҳматига топширинглар», яъни уни Аллоҳнинг раҳматига қўйинглар. Зеро, Аллоҳ ҳузуридаги нарса солиҳ кишилар учун яхшироқдир.

@arabicuz

iOS | Android

Instagram | Facebook | Twitter | Tiktok | Youtube