Аԥсуаа ақьырсианцәа иахьа "шәыла бысҭала" зыхьӡу аишәаргылара мҩаԥыргоит, иацы сабышан згьама рбаз Ацқьашә ԥырҟоит.

Иҳаҩсыз амҽышазы "кәацла бысҭала" ҟарҵеит. Уаҵәы – хәажәкыроуп, иарала 40 мшы ицо ачгара ду иҵалоит. Ишдыру еиԥш, ҳмилаҭ хаҿра зныԥшуа арҭ ақьабзқәа Амшаԥы ааира иазкуп.

Мшаԥы – зегьы иреиҳау ныҳәоуп аԥсуаа ҳзы. Ажәа ахаҭа "аԥа́мш" ҳәа идырцәажәоит, ҳҿызхуа Қьырса игылара иазкны (ажәлар ретимологиа ауп). Ҳгәанала, амшаԥы раԥхьаӡа иргыланы ааԥынра иадҳәалоуп — аԥсабара ааԥшра, аиаҵәара агәылҵра, аԥсҭазаара иаго аиааира.

Иахьатәи аишәаргылара ашәлых адагьы иадырбоит ақашь, ачаџьқәа, ачамчамыта, ахарҵәы-ӡҩа, ацха-ӡҩа, ахышәҭ-мышәҭ. Арафы афҩы лаҳа-лаҳауала иҩнарҵоит ацәа цқьа былны. Аҩеиқәаҵәа, ауаҭка, аӡы иахныҳәаны ихырҭәалоит.

🧡 Ахьыуардын шәақәтәа