Айни кунларда Андижон вилояти ҳокими Шуҳратбек Абдураҳмонов бошчилигидаги делегация Беларусь Республикасининг Витебск вилоятида бўлиб турибди.

Делегация ташрифини Витебскни озод этиш йўлида қаҳрамонларча ҳалок бўлган ўзбекистонлик жангчилар хотирасига бағишланган ёдгорлик белгисининг очилиш маросимида иштирок этишдан бошлади.

Маросимда Андижон вилояти делегацияси аъзолари, Витебск вилояти ижроия қўмитаси раиси ҳамда Ўзбекистоннинг Беларусдаги Фавқулодда ва мухтор элчиси иштирок этди.
Тадбирда тинчлик ва озодлик учун жон фидо қилган юртдошларимиз хотирасига эҳтиром кўрсатилиб, ёдгорлик пойига гуллар қўйилди.

Мазкур хотира масканида 17,9 мингдан зиёд жангчининг номи абадийлаштирилган. Жангчиларнинг 700 нафардан ортиғи ўзбекистонликдир. Уларнинг қарийб 50 нафари эса андижонлик бўлган.

Элдан олисда жасорат кўрсатган аждодларимиз хотирасини эъзозлаш, уларнинг қаҳрамонлигини ёш авлодга етказиш — бугунги тинч ва осойишта ҳаёт қадрини англаш, халқлар ўртасидаги дўстлик ришталарини мустаҳкамлашга хизмат қилади.

Andijan.uz|Facebook|Instagram|Youtube|X