Ташрифдан ташрифгача

Вилоятда 430,5 гектар ҳудудга эга 47 та саноат зонаси мавжуд. Шундан 2 тасини махсус саноат ҳаби, 2 тасини эркин иқтисодий зона, 24 тасини кичик саноат зонаси, 19 тасини ёшлар саноат ва тадбиркорлик зоналари ташкил этади. Бугунги кунда ана шу саноат зоналарининг 463 гектар майдонига 9,7 триллион сўмлик 1 минг 395 та лойиҳа жойлаштирилган.

Жумладан, “Андижон-Фарм”, “Ипак йўли” ва “Саноат ҲАБ” эркин иқтисодий зоналарида инвесторлар учун яратилган қулай шароитлар натижасида жорий йилнинг ўтган даврида қиймати 400 миллион долларга тенг 27 та йирик лойиҳа ишга туширилди ва 50 дан ортиқ турдаги янги маҳсулотлар ишлаб чиқарилиши йўлга қўйилди.

Олтинкўл туманининг Уйғур маҳалласи ҳудудида 16 гектар ер майдонида “кластер” усулида мебель маҳсулотлари ишлаб чиқариш, кўргазма ва савдо объектлари ҳамда барча қулайликларга эга бўлган “Мебелсозлик комплекси” кичик саноат зонаси ташкил этилди. Комплексдаги ишлаб чиқариш цехларида йилига 160 минг дона мебель маҳсулотлари тайёрлаш, 1 мингта янги иш ўрни яратиш, шунингдек, йилига 10 миллион долларлик маҳсулот экспорт қилиниши белгиланган.

Andijan.uz|Facebook|Instagram|Youtube|X