Алматыда Төле би көшесінің учаскелерінде көлік қозғалысы уақытша шектеледі

Алматыда LRT жобасын жүзеге асыру аясында Төле би көшесінің бірқатар учаскесінде көлік қозғалысы уақытша шектеледі.

Атап айтқанда, 25 қыркүйек сағат 23:00-ден 26 қыркүйек сағат 18:00-ге дейін Сейфуллин даңғылынан Наурызбай батыр көшесіне дейінгі учаскеде көлік қозғалысы толық жабылады.

Сонымен қатар, 26 және 27 қыркүйек күндері сағат 23:00-ден 06:00-ге дейін Розыбакиев көшесінен Кәрімов көшесіне дейінгі учаскеде батыс бағыттағы қозғалыс шектеледі. Аталған учаскеде реверсивті қозғалыс ұйымдастырылады.

Жөндеу жұмыстары жүргізіліп жатқан учаскеде ескерту белгілері орнатылады. Жол жүру бағытыңызды алдын ала жоспарлауыңызды сұраймыз.