Навсозии пойгоҳҳои сейсмикии Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон дар замони соҳибистиқлолии кишвар

Васлу насби таҷҳизоти рақамии сейсмикӣ дар пойгоҳҳои сейсмикии Боғиҷугда ва Сарбанд

Дар доираи татбиқи барномаи навсозӣ ва муҷаҳазгардонии пойгоҳҳои сейсмикии Институти геология, сохтмони ба заминҷунбӣ тобовар ва сейсмологияи Академияи миллии Тоҷикистон бо таҷҳизоти рақамии сейсмикӣ, дар пойгоҳҳои сейсмикии Боғиҷугда ва Сарбанд корҳои васлу насб ва корбурди воситаҳои нави сейсмометрӣ ба анҷом расонида шуданд.

Корҳои ёдоваршуда аз ҷониби мутахассисони Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон бо дастгирии президенти Академияи миллии илмҳои Тоҷикистон, академик Хушвахтзода Қ.Х. ва таҳти роҳбарии директори Институт Сафарализода Н.С. амалӣ гардиданд.