🇺🇿🤝🇫🇷Agrobank mijozlari — SIAL Paris 2026 xalqaro ko‘rgazmasida!

📍 Bugun Fransiya poytaxti Parij shahrida oziq-ovqat sanoatining dunyodagi eng yirik xalqaro ko‘rgazmalaridan biri — SIAL Paris 2026 o‘z ishini boshladi.

🌍 Mazkur nufuzli tadbirda 200 dan ortiq davlatdan 8 mingga yaqin kompaniya va qariyb 300 ming nafar soha mutaxassisi ishtirok etmoqda.

📗 Agrobank o‘z mijozlarining xalqaro bozorlarga chiqishi, eksport salohiyatini kengaytirishi va xorijiy hamkorlar bilan yangi aloqalar o‘rnatishini qo‘llab-quvvatlash maqsadida ularning ko‘rgazmadagi ishtirokiga ko‘maklashmoqda.

🍏 Xususan, Baxmal Agro Star va Uzun Agro Star kompaniyalari tomonidan yetishtirilgan va qayta ishlangan mahsulotlar xalqaro xaridorlarga namoyish etilmoqda.

🤝 Ko‘rgazma mahalliy ishlab chiqaruvchilar uchun o‘z mahsulotlarini jahon bozorida tanitish, yangi hamkorlar topish va eksport imkoniyatlarini kengaytirishga xizmat qiladi.

📆 SIAL Paris 2026 ko‘rgazmasi 17–21-oktabr kunlari Paris Nord Villepinte ko‘rgazma markazida bo‘lib o‘tadi.

#Agrobank #SIALParis2026 #Eksport #MadeInUzbekistan

📱 Instagram 📱 Facebook 🖥Sayt