Agrobank Matbuot xizmati

📣 Hurmatli kanalimiz kuzatuvchilari!

🇺🇿 Prezidentimiz tashabbusi bilan qishloq xo‘jaligini ilm-fan yutuqlari asosida rivojlantirish, sohaga zamonaviy texnologiyalarni keng joriy etish, xususan, paxta yig‘im-terimini mexanizatsiyalash borasida amalga oshirilayotgan islohotlar o‘zining amaliy natijalarini bermoqda.

📗 Bugun “O‘zbekiston 24” telekanalining “Axborot” dasturida "Agrobank" ATBning moliyaviy ko‘magida xarid qilingan zamonaviy paxta terish mashinalari va ularning yig‘im-terim jarayonini jadallashtirish, hosilni sifatli yig‘ib olish hamda mehnat unumdorligini oshirishdagi o‘rni haqida maxsus lavha efirga uzatiladi.

📺 Efir vaqti: 21:00 dan boshlab

📱 Instagram 📱 Facebook 🖥 Sayt

Kitoblar olamiga sayohat, qiziqarli bellashuvlar va bayram shukuhi!

🇺🇿 O‘zbek tili bayrami kuni munosabati bilan Agrobank Bosh ofisi hududida barchani birlashtiradigan katta kitob yarmarkasi va madaniy-ma’rifiy tadbir tashkil etilmoqda.

📖 Kitob ixlosmandlariga ajoyib imkoniyat! Yarmarkada turli janrdagi sara kitoblarni 50 foizgacha chegirma bilan xarid qilishingiz mumkin.

✍️ Sevimli adiblaringiz bilan yuzma-yuz uchrashishni istaysizmi? Tadbir davomida kitob mualliflari bilan bevosita suhbatlashish, ularning ijodi bilan yaqindan tanishish hamda kitoblarni mualliflarning o‘z qo‘lidan dastxat bilan olish imkoniyati ham yaratiladi.

🎯 Bayram dasturidan ona tilimiz va adabiyotimizga bag‘ishlangan noodatiy bellashuvlar, qiziqarli interaktiv o‘yinlar hamda ishtirokchilar uchun kutilmagan sovg'alar ham o‘rin olgan.

✨ Sizni qanday qiziqarli o'yinlar va sovg‘alar kutmoqda? Buni tadbir davomida bilib olasiz!

📆 20-oktabr, 2026-yil |
Soat 16:00
📍 Manzil: Toshkent shahri, B.Zokirov ko'chasi, 2A.

📱 Instagram 📱 Facebook 🖥 Sayt

Qishloq ayollari — mehnat, tashabbus va muvaffaqiyat timsoli!

15-oktabr — Xalqaro qishloq ayollari kuni munosabati bilan “Agrobank” ATB va Samarqand viloyati Nurobod tumani hokimligi hamkorligida 250 nafardan ortiq xotin-qizlarni birlashtirgan bayram tadbiri o‘tkazildi.

✅Tadbirda o‘z biznesini yo‘lga qo‘ygan tadbirkor ayollar tajriba almashib, o‘zlari yetishtirgan va ishlab chiqargan mahsulotlarni ko‘rgazmada namoyish etdi.

✅ Shuningdek, ayollar tadbirkorligini rivojlantirishga qaratilgan imkoniyatlar, jumladan, Agrobank ekotizim loyihalari va moliyaviy mahsulotlari haqida ma’lumot berildi.

✅Bayram doirasida tumanning tashabbuskor va faol xotin-qizlari turli nominatsiyalar bo‘yicha taqdirlandi.

📱 Instagram 📱 Facebook 🖥 Sayt

Xalqaro qishloq ayollari kuni muborak bo‘lsin!

🕊Aziz va mo‘tabar qishloq ayollari!

🌷Bugun yurtimiz qishloqlarida fidokorona mehnat qilib, oila farovonligi va jamiyat taraqqiyotiga munosib hissa qo‘shayotgan ayollarimizning o‘rni va ahamiyati beqiyos.

🌸 Qishloq xo‘jaligi, ta’lim, tibbiyot, tadbirkorlik, xizmat ko‘rsatish va boshqa sohalarda faoliyat yuritayotgan xotin-qizlarimiz o‘z mehnati, bilim va tashabbuslari bilan nafaqat oilalari, balki butun yurtimiz ravnaqiga xizmat qilmoqda.

📗 Agrobank jamoasi mamlakatimizning barcha hududlaridagi qishloq ayollarini 15-oktabr — Xalqaro qishloq ayollari kuni bilan samimiy muborakbod etadi!

Sizlarga mustahkam sog‘liq, oilaviy baxt, xonadonlaringizga tinchlik va fayzu baraka, ezgu maqsadlaringiz yo‘lida ulkan muvaffaqiyatlar tilaymiz.

📱 Instagram 📱 Facebook 🖥 Sayt

#Mening_tomorqam|14.10.2026

mtrk.uz| Instagram | Youtube | Facebook | Telegram |X (twitter)

🍅 Sakkiz sotix issiqxona — bir oilaning orzulari ro‘yobga chiqayotgan maskan. Nosirbek Mamajonov pomidor yetishtirishdan topgan daromadi bilan uy qurmoqda, mashina olmoqda, farzandlarini o‘qitmoqda.

📺Bugun “O‘zbekiston 24” telekanalida Agrobankning “Mening tomorqam” ko‘rsatuvining navbatdagi soni namoyish etiladi.

📍Bu galgi son Andijon viloyati Asaka tumani “Qipchoq” mahallasida yashovchi Nosirbek Mamajonovning pomidor yetishtirish tajribasiga bag‘ishlanadi.

✅ Ko‘rsatuvda issiqxonada pomidor yetishtirish, parvarishlash va oila uchun barqaror daromad manbaini yaratish tajribasi haqida hikoya qilinadi.

⏰ Soat 20:45
Efirni o‘tkazib yubormang!

📱 Instagram 📱 Facebook 🖥 Sayt

🚀Startapingiz uchun 500 ming dollargacha sarmoya jalb qiling

📗Agrobank va AgroVentures korporativ akseleratorga arizalar qabulini boshladi.

Agrosoha, fintex, AI yoki banklar va fermerlar uchun foydali yechim ustida ishlayapsizmi? Unda bu dastur siz uchun.

12 haftalik dasturga 20 tagacha startap tanlab olinadi. Jamoalar Agrobank bilan pilot loyihalarni amalga oshiradi va o‘z loyihalarini investorlarga taqdim etadi.

Ularga jahon darajasidagi tajribali ekspertlar mentorlik qiladi.

📌 Dasturda ishtirok etish bepul. Uni muvaffaqiyatli yakunlagan jamoalar 500 ming dollargacha sarmoya jalb qilish imkoniyatiga ega bo‘ladi.

Korporativ akseleratorning asosiy hamkori — 🏛 AI Station.

⌛️Ariza topshirishning so‘nggi muddati — 9-noyabr.

👉 Ariza topshirish

Prezident Shavkat Mirziyoyev o’z jamoasiga:

“Yana 50-100 yildan so’ng avlodlar sizlarga rahmat aytishi kerak”.

Ko‘chalar va yo‘llar ravon bo‘lishi, odamlarning dam olishi, nafas rostlashi uchun yashil hududlar va barcha zarur sharoitlar yaratilishi kerak. Buning uchun hamma narsani puxta o‘ylab, joy-joyiga qo‘yishimiz lozim.

Har oy viloyat hokimlari besh kun davomida Yangi Toshkentda bo‘lib, loyiha ishlari bilan bevosita shug‘ullanadi.

Bu — Yangi O‘zbekiston, bu — tarix. Yana bir marta aytaman: 50–100 yildan keyin avlodlarimiz: “Otalarimizga rahmat, shunday joy yaratib ketishgan ekan. Biz bugun erkin, xavfsiz va yashil makonda farzandlarimizni tarbiyalayapmiz. Ular maktabga, oliy ta’lim muassasalariga boryapti. Eng zamonaviy shifoxonalarda davolanish imkoniyatiga ega”, deb faxr bilan aytishi kerak.

Shu bois viloyat hokimlari Yangi Toshkent loyihasiga faol hissa qo‘shishi zarur. Yirik ko‘chalarga viloyatlar nomini berish, o‘ziga xos mahallalar tashkil etish orqali har bir hududning bu shaharda o‘z o‘rni bo‘lishi kerak.

Tasavvur qiling, Qashqadaryodan kelgan oddiy bir dehqon Toshkentda o‘z uyiga, o‘z mahallasiga ega bo‘lib, “Mana, bizning ham Toshkentda uyimiz bor, Qashqadaryo mahallasida yashaymiz”, desa — bu naqadar yaxshi bo‘ladi!

Agrobank yoshlari — qadimiy Samarqandda!

📗 Yoshlar bu gal qadimiy va navqiron Samarqandga sayohat qilib, tarixiy maskanlar, samimiy suhbatlar va yorqin taassurotlarga boy kunni birgalikda o‘tkazdi.

✅ Samarqandning tarixiy obidalari va diqqatga sazovor maskanlariga uyushtirilgan sayohat davomida yoshlar yurtimizning boy madaniy merosi, milliy qadriyatlari va betakror me’morchilik namunalari bilan yaqindan tanishdi.

✨ Sayohat nafaqat maroqli hordiq, balki samimiy suhbatlar, yangi taassurotlar va hamkasblar o‘rtasidagi do‘stona munosabatlarni yanada mustahkamlash uchun ajoyib imkoniyat bo‘ldi.

Agrobankda yoshlarni qo‘llab-quvvatlash — ularning nafaqat kasbiy rivojlanishi, balki mazmunli dam olishi, jamoaviy birdamligi va yangi marralar sari intilishiga ham e’tibor qaratish demakdir.

📱 Instagram 📱 Facebook 🖥 Sayt

🥇 Agrobank mijozi Maftuna Berdiqulova — respublika g‘olibi!

Samarqand viloyati Ishtixon tumanidagi “Domla Abroriy UMR” fermer xo‘jaligi rahbari Maftuna Berdiqulova respublika miqyosidagi “Ibratli ayol fermer” tanlovida faxrli 1-o‘rinni qo‘lga kiritdi!

✨ Xalqaro qishloq ayollari kuniga bag‘ishlangan forum doirasida e’tirof etilgan ushbu yutuq — fidokorona mehnat, tashabbus va qat’iyatning munosib samarasidir.

💐 Agrobank mijozi Maftuna Berdiqulovani ushbu yuksak e’tirof bilan tabriklaymiz! Yangi marralar va ulkan zafarlar tilaymiz!

📱 Instagram 📱 Facebook 🖥 Sayt

Qimmatbaho narsalaringiz uchun ishonchli joy

🔐 Zargarlik buyumlari, muhim hujjatlar yoki boshqa qimmatbaho narsalaringizni xavfsiz saqlash kerakmi? Agrobank Toshkent shahar filialidagi "Xazina" depozit yacheykalari — aynan siz uchun.

4 xil o'lcham — o'zingizga mosini tanlang (narxlar oyiga):

1️⃣ 75 × 250 × 350 mm 100 000 so'm
2️⃣ 100 × 250 × 350 mm 125 000 so'm
3️⃣ 125 × 250 × 350 mm 150 000 so'm
4️⃣ 300 × 250 × 350 mm 200 000 so'm

🗓 Muddatni o'zingiz belgilaysiz — 1 oydan boshlab, xohlagancha uzaytirishingiz mumkin.

📝 Rasmiylashtirish uchun kerak bo'ladi:
— Shaxsni tasdiqlovchi hujjat (passport yoki ID karta);
— Bank kartasi.

📌 Agrobank Toshkent shahar filiali

Batafsil ma’lumot uchun filialimizga murojaat qiling.

📗Bugun Agrobank Bosh ofisida rahbar xodimlar ishtirokida ishga qabul qilishning yangi tartibiga bag‘ishlangan o‘quv seminar o‘tkazildi.

🤝 Seminar davomida HR yo‘nalishida joriy etilayotgan yangi yondashuvlar, nomzodlarni tanlash va baholash mezonlari hamda ishga qabul qilish jarayonlarini samarali tashkil etish masalalari muhokama qilindi.

✅ Shuningdek, yangi tartibni amaliyotga tatbiq etish yuzasidan tushuntirishlar berilib, rahbar xodimlarning fikr va takliflari tinglandi.

Mazkur seminar kadrlar bilan ishlash tizimini yanada takomillashtirish, ishga qabul qilish jarayonlarida shaffoflik, xolislik va samaradorlikni ta’minlashga qaratilgan.

📱 Instagram 📱 Facebook 🖥 Sayt