🌟🌟🌟🌟🌟🌟🌟

Andijon davlat universitetida bitiruvchilar bilan dual ta’lim istiqbollari muhokama qilindi

Bugun, 17-oktyabr kuni Andijon davlat universitetida O‘quv ishlari bo‘yicha prorektor Bexzod Axmedov universitetning 4-bosqich talabalari bilan uchrashib, dual ta’lim tizimining mazmun-mohiyati, istiqbollari hamda talabalarning kasbiy tayyorgarligini oshirishdagi ahamiyati yuzasidan ochiq muloqot o‘tkazdi.

Uchrashuvda mamlakatimizda ta’lim sifatini oshirish, nazariy bilimlarni amaliy tajriba bilan uyg‘unlashtirish hamda yoshlarni mehnat bozorida raqobatbardosh mutaxassislar etib tayyorlash borasida amalga oshirilayotgan ishlar alohida ta’kidlandi. Xususan, ta’lim va ishlab chiqarish integratsiyasini kuchaytirish, yoshlarning kasbiy salohiyatini ro‘yobga chiqarish hamda bandligini ta’minlashda dual ta’lim tizimining muhim o‘rni qayd etildi.

Muloqot davomida dual ta’limning talabalarning kasbiy tayyorgarligini oshirishdagi ahamiyatiga alohida e’tibor qaratildi. Xususan, nazariy bilimlarni amaliyotda qo‘llash, kasbiy ko‘nikma va malakalarni rivojlantirish, mehnat faoliyatiga moslashish hamda zarur tajriba orttirish masalalari muhokama qilindi. Shuningdek, amaliyotda mas’uliyat va tashabbuskorlikni namoyon etish, kasbiy bilimlarni muntazam takomillashtirish muhimligi ta’kidlandi.

Uchrashuv yakunida talabalarga dual ta’lim imkoniyatlaridan samarali foydalanish, amaliy ko‘nikma va kasbiy malakalarini rivojlantirish hamda kelgusida o‘z sohasining yetuk va raqobatbardosh mutaxassisi bo‘lib yetishish uchun mas’uliyat bilan yondashish muhimligi ta’kidlandi.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram