علی رشتبر (قاییب)
قلمیم قینینا گیرمه‌یه‌جکدیر،
کلمه‌نی قاندالسیز گؤرونجه دیلیم!
قلمیم قینینا گیرمه‌یه‌جکدیر،
سنی قالماقالسیز گؤرونجه دیلیم!
سویسالارلادا نسیمی تک دریمی،
هایخیراجاق کوكسونده کی هر غمی.
بوتون میللتلرین دیللری کیمی ،
سنی ده ملالسیز گورونجه دیلیم!
اولاجاق نفرته دوغرو آخاری،
عدالت ،انسانلیق،دوزلوکدن ساری.
منی قارداش کیمی چاغیرانلاری،
عملده جیغالسیز گؤرونجه دیلیم!
قاییبام سیلمیشم سؤزومون پاسین،
گئیمیشم اگنیمه حاققین لیباسین.
لال اولا بیلمرم آنام لایلاسین،
هر یئرده زاوالسیز گؤرونجه دیلیم.
https://t.me/Adabiyyatsevanlar
Post #30915
261
