دنیز و من
ائلیار پولاد

دلیجه‌سینه اوپور ساحیللری
ایسته‌یی ندیر گؤرن
قوووشارکن، نییه آیریلیر
سئوداسی ندیر گؤرن؟
یایین سون گونودور
صاباح پاییز گله‌جکدیر
منیم بو غملی کؤنلوم
هاچان دینجه‌له‌جکدیر؟
دنیز دلی من غملی
او کؤکره‌ییر، من ساکیت
کؤپوکلو لپه‌سینی
دؤیور ساحیله دنیز
او ساحیلله اؤپوشور
هردن پیچیلداییردا
نغمه سایاق، ریتمی وار
قوووشوب آیریلماسیندا
نسه دئمک ایسته‌ییر
ساکیت ساکیت باخیرام
آی دا باخیر دنیزه
منسه، غملی اولورام
هر باخاندا دنیزه
دنیز دلی...
من غملی....

                متل قو  ۳۱/۶/۱۴۰۵

 https://t.me/Adabiyyatsevanlar