ارشد نظری

باشیما فیرلانیر کوره
هریان قویو ، هریان دره
لاپ گویدن دوشموشم یئره
آغ ساققالین سوزو کیمی

ایت گیلیفدن کئچیر عومور
یار یارپاق اولاجاق کومور !
یامان توکان آچیب شومور
مله ییریک قوزو کیمی

قالیب قالیب داشا دوندوک
آولنده ده قوشا دوندوک
کور گوزونده یاشا دوندوک
سمندرین یازی کیمی

دامغالاندیق قارا قارا
اورمولاندیق یارا یارا
قیسمت اولدوق کورا ، کارا
کل علینین قیزی کیمی  .

https://t.me/Adabiyyatsevanlar