زرین رزندی(طناز)

حققیمی ایسته ییرم،بیل گیلن آسدا دئمرم
ایش بیلن،ایش آشیران،زیققییا سوسدا دئمرم

کیشی لیک آینا تکین،سینه نی پرداخلامالی
شریف اینسان،اوتولو کوُینه یه،چوسدا دئمرم

گیزلی اسراریمه ائل سینه سی،صاندیقچا دئییل
شیش گتیرسه اوره ییم،سیرریمی دوسدا دئمرم

شاعرین شعری اوچون کلله سی دار اوسته گرک
چیچه یه نغمه قوشان شاعره اوسدا دئمرم

(طناز)ین سایقی سی وار یوردونا-دوغما دیلینه
سویا آب،اکمه یه نان،کندیمه روسدا دئمرم.

https://t.me/Adabiyyatsevanlar