مهدی سربازی_علمداری

سئوگین سونسوز بیر یول کیمی
ایتیرم هردن ایتیرم!
سیزیب سنه قاریشیرام
بیتیرم هردن بیتیرم…

نولا سنی گؤزومه تک
کوله دؤنن کؤزومه تک
عشقین اعلا سؤزونه تک
گتیرم هردن گتیرم!

نه بؤیوگ‌موش سئوگی مولکو
دوشه‌جک باشیم‌دان بؤرکوم
حاق سیزلایان یانیق تورکو
اؤتورم هردن- اؤتورم...

بیلمه‌م هاچان- نئجه، هاردا
اوره‌ییم قالمیشدی یاردا
دؤشه‌نیرم سن‌لی یوردا
اؤپورم هردن- اؤپورم.

https://t.me/Adabiyyatsevanlar