کاظم -نظری بقا


بو شهرده گون به گون آرتیر چیراق سیز گونلریم
دؤنگه لرده گیزله نیر هئی قاش قاباق سیز گونلریم
اوچ یوز آتمیش گون سازاقدان شهرده سیرتیلدیرام
دونموشام بوز ،تک قالیبدیر -اود اوجاق سیز گونلریم 
کئفلی اسکندر کیمی یوردوم یووامدان قاچمیشام
کئچمه پیر داغ داش بیلیر بیر آن آراق سیز گونلریم
دیل داماقدان دوشموشم دای-ال- آیاق سیزلار کیمی
نئیله ییم باشدان آشیبدیر دیل داماق سیز گونلریم
كؤر قوناقدير غم، هر آخشام جفته نی تاققیلدادیر
اولماییبدير غم بيلير بير يول قوناق سیز گونلریم
کئفسیزم واردیر باشیمدا گونده مین بیر ماجرا
بیر ساعات دا نئیلیم اولمور اتفاق سیز گونلریم
سۇرسالار مندن نه دیر آرزین بو بئش گون عؤمروده
سؤیله رم کئشکه چوخالسین قول چوماق سیز گونلریم
یاز گلیبدیر اؤلکه میزده یوخ ياغيشدان بير خبر
شهری گؤرکمدن سالیب دیر خول بوداق سیز گونلریم
بیتگی بیتمز کؤوشه نینده یوردومون بوندان سورا یاندیریبدیر هر آلاق واردیر بولاق سیز گونلریم
کاش گله بیر گون اوزاقلاردان کی بیردن قورتارا
هم خمیرسیز گونلریم هم ده تاباق سیز گونلریم

https://t.me/Adabiyyatsevanlar