اوشاق ادبیاتی
آهارسی پادشاه ببر
چئویرمه: منیژه جم‌نژاد
ایکینجی بولوم
آهارسی گؤزلرینی قیسدی، قویروغونو چوخ محکم اویان بویانا ترپتدی.
«یادینا سال!» – دئدی اوزو‌نه. – «داها چوخ چالیش، یادینا سال!»
ساعاتلار کئچدی، گون قارالدی، حیوانلار یاتماغا باشلادیلار.
آهارسی بیری‌نین اونا باخدیغینی حس ائله دی.
گؤزونو بیرآز آچیب، دقت له باخدی. اونون قارشی‌سیندا زودی، باغین پلنگی، دایانمیشدی.
«نه ائدیر‌سن، آهارسیییی؟» – دئدی زودی، یومشاق واوزون بیرسس ایله.
« یادیما سالیرام. اولورسا انگل اولما! » – دئدی آهارسی. گئنه گؤزونو یوموب ائوینی یادینا سالماغا چالیشدی.
آهارسی گؤزلرینی بیر داها یومدو، و یوردونون تصویرلرینی ذهنینده چاغیرماق ایسته‌دی.
یادینا سالاسان؟ نه دئمک؟
آهارسی دئدی: هه. ببر شاه اولماغی، هاردان گلدییمی اونودموشام. هر شئیی اونوتمادان یادیما سالماق ایستیرم. لوتفن قوی فیکریمی بیر یئره ییغیم!
زودی گولومسه ییب دئدی: گؤزو یومولو بیر شئی گؤره بیلمزسن کی!
آهارسی اوزگون گؤزلرینی آچیب دئدی:
«قویماسان دوشوننمرم! سن هئچ ببر ده دئییلسن، نه بیله‌جکسن!؟ آنجاق بیر پلنگ سن! »
زودی گؤلوب دئدی:
« آبتال حیوان باخ!»
او، یئرده پارلاق بوز‌لوق بؤلگه‌یه ایشاره ائله دی.
آهارسی حیرَتله دئدی:
«زودی، سانیرام یاخشی دئییلسن.»
زودی، محبت‌له سوزونون دالیسینی توتدو:
«اگر ببر اولماغین نه اولدوغونو یادینا سالماق ایسته‌ییرسَن، ، اوندا فقط باخ!»
«یاخشی باخارام، آما سن ده منی یالنیز بوراخ»
https://t.me/Adabiyyatsevanlar
Post #30295
327