«بهروزصدیق»

«گوزگو یارا»

اللریمدن دریلمیش ال
یاراسینا آغلامالی
گوزگوله شن بیر یارانین
هاراسینا آغلامالی؟!

ایلک کوبلئتی ورم وورموش
هر سطرینده پوسقو قورموش
سؤزجوک لری ،آه!یورولموش
واراغینا آغلامالی

درد آرخانجا ایزین -ایزین
قوجاقلامیش وارلیق دیزین
هؤوشنه لی کؤچن قیزین
داراغینا آغلامالی

یوردو یارغان ،یوردو یارا
یوردو بیزی یورغون یارا
بیر شاعیرین تپه قارا
یاراغینا آغلامالی.

https://t.me/Adabiyyatsevanlar